Тілеулин Нығметолла Базарбайұлы  12.9.1960 жылы Батыс Қазақстан облысы, Ақжайық ауданы, Чапаев ауылында дүниеге келген. Қатардағы жауынгер (6.4.1980, Ауғанстан).  Әскерге алынғанға дейін туған ауданындағы «Лбищенский» ұжымшарында жұмыс істеген. КСРО Қарулы Күштері қатарына Чапаев ауданы әскери комиссариатынан шақырылған (29.11.1978). 1979 жылдың желтоқсан айынан Кеңес әскерінің Ауғанстандағы шектеулі контингенті құрамында болды. 1980 ж. 6 сәуірде қарсыластардың шабуылынан жолдастарын қорғап қалғысы келген һас батыр жараланып, қаза тапты. Қаза тапқаннан кейін «Жауынгерлік ерлігі үшін» медалімен марапатталған. Чапаев ауылында  оның атында көше бар.